Beth am wneud eitem Gymraeg eleni? Os oes gennych ddiddordeb, cysylltwch â ni am ffurflen gais!

Mae’r prosiect yma yn adeiladu ar lwyddiant Canolfan a Menter Gymraeg Merthyr Tudful. Prosiect ar y cyd ydyw gyda’r partneriaid sef Urdd Gobaith Cymru, Menter Iaith Merthyr Tudful a’r Cyngor Sir oll yn chwarae rhan flaenllaw. Mae’r swyddog, Siôn Roberts, wedi ei leoli yn festri Capel Soar sy’n gartref i Ganolfan a Menter Gymraeg Merthyr Tudful.

Bwriad y prosiect yw rhoi cyfleoedd drwy gyfrwng y Gymraeg i bobl ifanc 14-19 yr ardal, gan gynnig ystod eang o brofiadau gwahanol yn ymwneud ag ymwybyddiaeth ddiwylliannol.

Mae’r prosiect yn cynnwys sefydlu clybiau ieuenctid Cymraeg wythnosol yn ysgolion uwchradd ail iaith y sir ar gyfer pobl ifanc o‘r oedran 14-19. Gwneir gweithgareddau o bob math yn defnyddio’r iaith Gymraeg a chynigir profiadau newydd iddynt drwy gyfrwng y Gymraeg, drwy drefnu teithiau ac ymweliadau megis:
Taith i stiwdio y BBC
Taith i’r Bae, Canolfan yr Urdd, y Senedd, Canolfan y Mileniwm a.y.y.b
Taith i weld sioe Cân i Gymru
Gigiau Cymraeg
Cyrsiau preswyl yng Nglanllyn
Gemau rygbi

Edrychwch ar y bryddau graffiti roedd Clwb Ieuenticd yr Urdd yn eu creu ychydig o wythnosau yn ôl. WAW!

Dros y chwech wythnos diwethaf mae rhai o ddisgyblion Rhydywaun wedi bod yn troi fe lan i 11 wrth i nhw ddilyn yn camau Jack Black. Mae ysgol roc y Canolfan yn cyfle i chwarae a ddysgu gyda cerddorion eraill gyda pawb yn cael cyfle i jamo beth bynnag ei safon. Fe fydd yr ysgol roc yn parhau pob nos Lun rhwng 6-8y.h. rhad ac am ddim ac mae croeso i unrhywun ymuno.