Perfformiwyd cynhyrchiad gyntaf Grwp Ddrama'r Ganolfan Nos Iau ddiwethaf i dros 80 o bobol, ac eto ar Ddydd Gwener i dros 80 o blant ysgol gynradd.
Cyd- ysgrifennwyd y ddrama 'Marw Dros yr Iaith' gan Dianah Bianchi a'r grwp. Comedi ddu yn trin ag agweddau negyddol tuag at y Gymraeg a'r ddiffyg ddarpariaeth gwasanaethau Gymraeg.
Bwriad y ddrama oedd tynnu sylw at yr angen am gwell ddarpariaeth drwy'r Gymraeg ac yr angen i'r Gymry Gymraeg gwneud defnydd o'r wasanaethau yma.

Diolch yn fawr iawn i bawb a helpodd yn ystod y prosiect yn enwedig i Raymond Illes a'i fab am fenthyciad yr arch!

Am fwy o wybodaeth ynglun a gwasanaethau Cymraeg cysylltwch a'r Fenter.

Merthyr Tudful Ebrill 2007

Morgan o Rhyd y Grug

Mae’r haul mor boeth â bom tân yn mynd bant.
Mae’r môr mor wlyb â phwll nofio.
Mae’r tywydd mor dwym â gwresogydd.
Mae’r traeth mor fawr â phentref cyfan.
Mae’r glaswellt mor hir â gwddf jiraff.
Mae’r goeden mor syth â wal.



Emily o Rhyd y Grug

Ei hoff dîm pel-droed yw Chelsea,
Llais hyfryd sydd ganddi pan mae’n canu
I bawb yn y dosbarth, mae hi’n garedig
Zebra yw ei hoff anifail
Angylion pizza yw ei hoff fwyd.

A sglodion hefyd, mae hi’n hoffi sglodion.
Siarad llawer, ydy mae hi’n siarad llawer.
Hoffi mynd ar y trampolîn ar ôl ysgol
Ffrind i bawb a hoffi gwneud ffrindiau
O, mae hi mor bert!
Rydw i’n hoffi Eliza am ei bod hi mor garedig,
Dyma diwedd fy ngherdd!



Abigail o Santes Tudful

Fflursen yw ei ffugenw hi!
Lot o hwyl, dyna gawn ni wrth chwarae!
Enw cŵl Abigail yw Aqua, fel y ferch yn y Chetah Girls
Un arbennig, ffrind gorau
Rhywun sy’n chwerthin ar bob jôc, hyd yn oed fy rhai i.



Bethan o Santes Tudful

Gwenu mae Gwen drwy’r amser!
Weithiau mae ei llygaid hi’n goleuo fel y sêr,
Edrychwch arni hi!
Ni yw’r ffrindiau gorau yn y byd!
Llygaid brown fel dail yr Hydref.
I mi mae hi’n flodyn hyfryd yn yr haf
Ac mae Gwen yn sbeshial
Nawr, ac am byth, mae’n fy nghynnal.



Eliza o Ysgol Rhyd y Grug

Ei hoff beth hi yw mynd lawr i’r carafan.
Mae hi’n ddoniol ac yn siarad llawer!
I fi, mae hi’n ffrind ardderchog
Llygaid brown golau sydd ganddi, maen nhw’n disgleirio!
Yn yr ysgol Winston Churchill yw enw ei grŵp hi!



Elis o Rhyd y Grug

Rydym ni’n ffrindiau da,
Helpodd e fi i wneud fy ngwaith.
Os dwi mewn trafferth, mae yno i helpu.
Dwi’n meddwl bod mor ddoniol â chlown.
Rwy’n meddwl ei fod e’n annwyl ac yn hoffi gwisgo lan.
I mi, fe yw’r ffrind gorau i ymddiried ynddo.



Jake o Santes Tudful

Shay yw fy ffrind gorau i yn y byd.
Ha! Mae traed hir gan Shay,
Awn ni i lawr i’r siop bob dydd ar ein gwyliau.
Y tîm gorau yn y byd, iddo fe, yw Lerpwl.



Lewis o Rhyd y Grug

Mae Mam yn torheulio ac mae hi’n awr mor goch â thomato!
Mae’r brychni haul yn tyfu mor brydferth a blodau.
Mae’r bêl rygbi yn hedfa mor gyflym â’r gwynt.
Mae’r traeth mor llawn â sŵn chwerthin uchel plant yn llenwi bocs bach.
Mae’r môr mor igam-ogam â graff llinell.
Mae’r haul yn tywynu mor pert â diwedd Romeo a Juliet.







Abigayle o Rhyd y Grug

Natasaha yw fy chwaer,
Ac rydym ni’n cerdded yn y cae.
Textiaf hi i ddweud, ‘bore da!’
Athrawes yw ei swydd hi
Swish, swish, dwi’n nofio bob dydd Sadwrn
Hapus rwyf wrth wylio Eastenders
Ac yna daw Natasha, ac mae hi mor dal â’r drws.



Ffion o Ysgol Santes Tudful

Gwen yw’r gorau, bob amser.
Wir, mae hi’n gwenu drwy’r asmer.
Ei hoff fwyd yw pizza.
Nid yw hi’n grac, byth!
Llwyth o hwyl, dyna gawn ni gyda Gwen.
I mi mae hi’n ffrind arbennig.
Ardderchog bob tro,
Ni yw’r ffrindiau gorau yn y byd.

Lauren o Rhyd y Grug

Ashleigh, mae hi’n hwyl a sbri,
Swnllyd? Weithiau!
Hapus drwy’r amser, ydy.
Llwyddodd hi ennill râs nofio yn ddiweddar.
Enillodd yn yr eisteddfod hefyd, am ffasiwn.
I mi mae Ashleigh yn ffrind gorau,
Gwên hyfryd sydd ganddi.
Ha! Mae hoffi bwyta sglogion, fel fi!

Beth o Santes Tudful

Ffab, dyna Ffion!
I mi, mae Ffion yn sbri!
O, mae gan Ffion gi, a ddwedais i?
Na, nid yw Ffion yn hy.

Beth mae Ffion yn ei hoffi?
Efallai ychydig bach o hoci,
Rhedeg yw ei hoff chwaraeon,
Rhoddodd Ffion felon i mi.
Ydyn, rydym ni’n cael hwyl a sbri.



Ffion o Santes Tudful

Ffrind ardderchog,
Fring galluog!
I mi, hi yw’r ffrind gorau yn y byd!
Ond rydym fel un, nid fel dwy
Ni sydd yno i’n gilydd.



Gwen o Santes Tudful

Bydd Bethan yn canu yn yr Eisteddfod
Efallai y bydd hi’n ennill!
Telyn yw ei hofferyn,
Hyderus, dyna’r gair am Bethan.
Annwyl yw ei hwyneb
Ni yw’r ffrindiau gorau.

Ashleigh o Rhyd y Grug

Llwyddo ym mhopeth, dyna ei hanes
Ardderchog o ffrind.
Ust! Mae hi weithiau’n swnllyd!
Rwshio ei gwaith, weithiau.
Enillodd hi gyntaf dair gwaith, un tro
Neidio mae Lauren fel cangarŵ!



Lloyd o Santes Tudful

Arbennig yw Ashleigh i mi.
Siarad a chwerthin sy’n sbri!
Hwyl yw chwarae gydag e,
Lle awn ni nesaf, dw i ddim yn gwybod lle.
Efallai y byddwn ni’n gweld ein gilydd yn y siop.
Ydw, rydw i mor hapus i gael ffrind, dw i’n siglo fel pop!

Nos Iau'r 12fed Ebrill croesawodd y gymuned Gymraeg ym Merthyr yr awdur Mihangel Morgan i Westy’r Imp, Pontmorlais, ar gyfer noson o Gerddi a Chwrw. Yn wreiddiol o Aberdâr, enillodd Mihangel y Fedal Ryddiaith efo’i nofel Dirgel Ddyn. Cafwyd lot mawr o hwyl wrth wrando ar gerddi ysgafn a doniol Mihangel a llwyddodd i gadw sylw ei gynulleidfa.
Cafwyd hefyd gyfle i’r cyhoedd rannu eu barddoniaeth â ni, weler y llun uchod o Robert Hughes a ddatgelodd ei gyfanwaith athronyddol ar y Fenter.
Gorffennwyd y noson efo tipyn o ganu traddodiadol a arweiniwyd gan Phyl (siop y ganolfan) a Jamie (Menter Merthyr), y cerddorion o fri.

Fe fydd noson arall yn cael ei drefnu ar gyfer mis Gorffennaf, unrhyw awgrymiadau am Awdur/Bardd, cysylltwch â’r Fenter.


Noson Menter Iaith

Duw, mae’n anodd on’d yw e
I ddod o hyd i Gymru lân
Ar lannau balch yr Afon Taf
’Mond cyfarch cewch neu ryw hen gân

Dyma sut ’roedd bywydau ni
Ond i’r bwlch gamodd Menter Iaith
Syniadau llawn a chyffrous bu
Am noson gwis neu gig neu daith

Fi ’di ymrwymo i’r gymdeithas hon
’Da Lis a Siami a’u criw mor ffein
ond dwi ’di dechrau poeni braidd
Bydd rhaid i fi dynnu’r lein

Am fod bob tro dwi’n mynychu’r peth
A sai’n dweud bod nhw ddim yn dda
Mae rhywbeth yn gyffredin wir
Nid yr iaith ond presenoldeb bar

Tee-total fûm cyn dechrau hon
Ac mae fy waled wedi cymryd braw
Fy mol ’di tyfu, fi’n colli siâp
A becso bydd rhaid imi gadw draw

Mae ’Nghymraeg ’di gwella does dim dowt
Ond medd y meddyg bod gen i gowt
Am gwmni chi gyd fi moyn y fraint
Ond plîs gawn ni noson heb ddeg peint!


Gan Robert Hughes

Llongyfyrchiadau i CYMRO-C sydd wedi llwyddo i fynd trwodd i rownd derfynol Brwydr y Bandiau C2/Mentrau Iaith Cymru 2007. Fe fydd y band yn mynd mewn i'r stiwdio i recordio trac ar gyfer y rownd a bydd cyfle i chi bleidleisio ar 25ain Ebrill yn ystod sioe C2/Radio Cymru trwy ffonio 08703 500500 neu tecsto 07786 201030.
CYMROOOOOOOOOC!!!